Примопредавање на мобилeн оперативен центар

На 19 февруари 2025 година Црвен крст на РСМ организираше настан за примопредавање на мобилно оперативен центар, кое е донација од Европската команда на САД.

На настанот Амбасадорката на САД во Северна Македонија, г-ѓа Анџела Агелер го предаде возилото на Генералниот секретар на Црвениот крст на РСМ г-дин Саит Саити пред присутните волонтери и вработни лица во Црвениот крст, директорот на Центарот за управување со кризи г-дин Стојанче Ангелов и останати претставници на амбасадата на САД и ЦУК.

Мобилниот оперативен центар на Црвениот крст, ќе се користи за поддршка на теренските активности и ќе овозможи подобрена реакција на потребите на граѓаните. Во возилото е вградена најнова опрема која ќе овозможи брзо и прецизно реагирање во различни ситуации: проектирано е за работа во различни теренски услови, што овозможува лесна пристапност и мобилност на локации со ограничен пристап; возилото е дизајнирано за широка употреба, вклучувајќи превенција, помош на терен, и реагирање на итни ситуации.